Usı jıldıń 14-may kúni Ózbekstan mámleketlik denetárbiya hám sport universiteti Nókis filialınında «15-may — Xalıq aralıq shańaraq kúni» múnásibeti menen konferenciya bolıp ótti.
Onda «Kewil nurı» Qaraqalpaqstan Respublikası Hayal-qızlar hám olardı shańaraqta ekonomikalıq hám huqıqıy jaqtan qollap-quwatlaw shólkemi baslıǵı Z.Motbopaeva, filial direktorınıń oqıw isleri boyınsha filial orınbasarı B.Utemuratov, Jaslar menen islesiw, ruwxıy-aǵartıwshılıq bólimi baslıǵı B.Sobirov hám filialdıń student-jasları qatnastı.
Ózbekstan Respublikası Konstituciyasınıń 63-statyasında : «Shańaraq jámiyettiń tiykarǵı buwını jáne jámiyet hám mámleket qaramaǵında bolıw huqıqına iye» ekenligi belgilep qoyılǵan.
Xalıq aralıq shańaraq kúni BMSh Bas Assambleyasınıń 1993-jıl 20-sentyabrdegi Xalıq aralıq shańaraq jılı haqqındaǵı rezolyuciyasına muwapıq 1994-jıldıń 15-may ayınan berli turaqlı túrde keńnen belgilenedi.
Konferenciyada «Shańaraqtı qalay saqlap qalıw kerek?», «Shańaraqta bala tárbiyası», «Ajırasıwlar ne sebepten kelip shıǵıp atır?», «Shańaraqta ata-ananıń ornı» sıyaqlı áxmiyetli temalarda kelgen miymanlar hám studentler arasında qızǵın sáwbet boldı.
Konferenciya juwmaǵında student-jaslar ózleriniń qızıqtırǵan sorawlarına juwap aldı. Bunday ilajlardıń ótkerilip barılıwı jámiyetimizde jaslar tárbiyasında hám ómirinde áhmiyetli orındı iyeleydi.
Shaxnoza-Banu Abdullaeva,
ⱩMU qaraqalpaq filologiyası hám jurnalistika
fakultetiniń 1-kurs studenti
Ⱪaraqalpaqstan xabar agentligi
