Keyingi izertlewler jaslar hám orta jastaǵılar arasındaǵı shegara barǵan sayın joq bolıp baratırǵanın kórsetpekte. Uzaq ómir kóriw hám salamat turmıs tárizi insannıń jasına say bolmaǵan túrde uzaq waqıt gózzallıǵın saqlap qalıwı múmkin ekeninen dárek beredi.
Sol sebepten ayırım ilimpazlar orta jastı 41 den emes, al 53 jastan baslap esaplaw kerek, degen pikirdi alǵa qoyıp atır.
Qanday adamlardı orta jaslı dep esaplaw múmkinW Pesinnen keyin uyqılap qalıwdı jaqsı kóretuǵınlar, qolaylıqtı birinshi orınǵa qoyatuǵınlar, beldegi awırıwlardan shaǵım etiwshiler, keshki waqtın úyinde tınısh ǵana ótkeriwdi qálewshilerdi orta jastaǵılardıń kategoriyasına kirgiziw múmkin.
«Benenden Health» kompaniyasınıń buyırtpası boyınsha ótkerilgen izertlewde málim bolıwınsha, 50 jastan asqanlardıń derlik yarımı ele ózlerin orta jasqa tolmaǵan dep esaplaydı, tórtten úsh bólegi bolsa jas toparları arasındaǵı ayırmashılıqtıń kishi ekenin seziwdi baslaǵanına isengen.
Hár 10 adamnan segizi bul aqilıy emes, al fizikalıq jaǵday dep bahalaydı.
«Britaniyalılar, baxtımızǵa, «orta jas» degen dástúriy túsinikten ótip bolǵan, sebebi jaslar hám kekselerdi kategoriyalastırıwshı sızıqlar joq bolıp baratır», – delinedi «Benenden Health» esabatında.
Izertlewshilerdiń kózqarasında, bir qatar faktorlar, sonıń ishinde, jáne de salamat hám belsendi turmıs tárizi adamlardıń ádetleri jası ótiwi menen ózgermeytuǵının ańlatadı. Qullası, qánigeler «orta jas» ataması barǵan sayın áhmiyetin joyıtıp atır, degen sheshimge kelgen.
Qaraqalpaqstan xabar agentligi
