«9-may ―Eslew hám qádirlew kúni» múnásibeti menen aldınan Qaraqalpaqstan Respublikası Densawlıqtı saqlaw ministri orınbasarları Timur Sarıbaev hám Akmal Asqarov basshılıǵındaǵı bir topar taraw qánigeleri Qaraózek, Qanlıkól hám Tórtkúl rayonlarında bolıp, Ekinshi jer júzilik urıs qatnasıwshıları Genjemurat Allaniyazov, Orazbay Nametullaev hám Ivan Fedotovich Galenkolerdiń shańaraǵında bolıp, olardıń hal-jaǵdayınan xabar aldı.
Bul ushırasıwlarda ministrlik basshıları nuranıylardı bayram menen qutlıqlap, olarǵa bayram sawǵaların tapsırdı.
Sonday-aq, ilaj dawamında nuranıylar medicinalıq tekseriwden ótkerilip, olarǵa zárúrli dári-dármaqlar da berildi.
Adilbay Orazov,
Qaraqalpaqstan xabar agentligi sholıwshısı
