Qaraqalpaqstan Respublikası AIJS ke qarsı gúresiw orayında «12 may – Xalıqaralıq miyirbiykeler kúni” múnásibeti menen bayram keshesi shólkemlestirildi.
Oǵan oray xızmetkerleri hám ǵalaba xabar qurallarınıń wákilleri qatnastı.
Ilajda oray bas shıpakeriniń orınbasarı Aysha Aminova, Shólkemlestiriw hám metodikalıq bóliminiń shıpakeri Arzıgúl Jánibekova, Kásiplik awqamı komiteti baslıǵı Gúlayım Xabipovalar orta buwın medicina xızmetkerlerin Xalıqaralıq kásiplik bayramı menen qutlıqlap, óz xızmet wazıypaların atqarıwda belsendilik kórsetip kiyatırǵan bir topar miynet aldınǵılarına Húrmet jarlıǵı hám estelik sawǵaların tapsırdı.
Óz gezeginde sıylıqlanǵanlar atınan Altınay Berdimbetova hám Ilham Baynazarovlar shıǵıp sóylep, ózleriniń azı-kem islegen xızmetlerin inabatqa alıp bahalaǵanı ushın oray basshıları hám kásiplik awqamı komitetine sheksiz minnetdarshılıqlar bildirdi.
G.Xabipova,
Respublikalıq AIJS ke qarsı gúresiw orayı shıpakeri.
Qaraqalpaqstan xabar agentligi
